airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Inuusuttunik sullissisutut inuusuttut aanngajaarniutit pillugit qanoq oqaloqatiginissaat nalunngiliuk?

11. oktober 2019
Inuusuttut imigassamut tulliutillugu hashi misilittarpaat. Inuusuttorpassuit hashimik pujortarneq pillugu inersimasumik, ilinniartitsisumik, perorsaasumik imaluunniit isumaginninnermut siunnersortimik ataqqinnittumik aamma paasisimasaqartumik oqaloqateqarnissaminnik pisariaqartitsisarput. Ajoraluartumilli inuusuttut inersimasunik oqaloqateqarnerminni inersimasut asissuisut oqaaqqissaariniartullu naapittarpaat. Inersimasut inuusuttunut ikorfartuinngitsut inuusuttunut oqaloqateqarnissamik pisariaqartitsisunut nalornilersitsisarput tusarnaarneqarnissartillu qularisarlugu.

Allorfik, Pinngitsuuisinnaajunnaarnermik Paasisimasaqarfik aamma Peqqinnissaq pillugu qaammarsaanermut Komite aamma danskit peqqinnissamut pisortaqarfiat suleqatigiillutik quppersagaq “Hashi pillugu oqaloqatigiinneq” pilersippaat. Una iserfigalugu akeqanngitsumik aaneqarsinnaavoq.

Ilitsersuummik matuminnga pilersitsinermi inuusuttunut sullissisut inuusuttunik sullissinerminni aanngajaarniutit pillugit assuarlerpalunngitsumik oqaloqateqarnissaat siunertarineqarpoq. Kaammattuilluni oqaloqatiginninneq allannguinissamut aallarniutaasinnaavoq. Una oqaloqatiginninnermi ilitsersuut oqaloqatiginninnermi periutsinik atorneqarsinnaalluartunik imaqarpoq.

Annertunerusumik paasisaqarusunnermi Allorfimmi pisortaq Birgit V. Niclasen, attaveqarfigineqarsinnaavoq e-maili: bivn@allorfik.gl