airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Aanngajaarniutinik ajornartorsiuteqarnermi oqarasuaatikkut Skypekkulluunniit katsorsaaneq

31. marts 2020
Nualluut corona atuukkaluartoq Allorfiit nuna tamakkerlugu katsorsaanermik suliaqarnertik ingerlatiinnarpaat. Innuttaasut sumiluunniit najugaqaraluarunik ullaakkut quligiluaniit ualikkut pingasup tungaanut saaffiginnissinnaapput. Kikkulluunniit katsorsarneqarnissaminnik pisariaqartitsisut mailikkut imaluunniit telefonikkut saaffiginnissinnaapput. Pisortat inuit imminnut qanillutik sulinissaat inassutiginngikkallarmassuk katsorsaalluni oqaloqateqarnerit telefonikkut Skypikkullu ingerlanneqarallarput.
Allorfimmi katsorsaanerit tamarmik, ataatsimoortunik katsorsaanerit eqqaassanngikkaanni, pilersaarutigineqartutut suliarineqassapput, taakkuali Skypekkut imaluunniit oqarasuaatikkut pisassallutik. Allorfiup qanigisaasunut neqeroorutaanut aamma tamanna atuuppoq.
Naalakkersuisut marsip 28-anni nualluutip Covid-19-ip innuttaasunut siaruaateqqinnginnissaanik suliniutiminnut ilanngullugu Nuummi, Kapisilinni Qeqertarsuatsiaanilu imigassamik tuniniaasarnerit matuneqarnissaat aalajangerpaat.
Innuttaasut ilaat akuttunngitsumik annertuumillu imigassamik atuisuusut pisumi taamatut ittumi immikkut ikiorneqarnissamik pisariaqartitsilersinnaapput. Taamaattumik Naalakkersuisut pisuni, soorlu assersuutigalugu imigassamik kingunerlutsitsinerni imaluunniit katsorsarneqartariaqarnerni, saaffiginninnissanut periarfissat eqqumaffigeqquniarpaat.

Nuummi imigassamut attuumassuteqartillugu nukinginnartumik saaffiginniffissaq

Nalilersuisoqarnissaa katsorsaasoqarnissaalu siunertaralugit Peqqinnissaqarfik ugguuna saaffigineqarsinnaavoq:
Ulluinnarni nal. 8.15-ip aamma nal. 10-p akornanni oqarasuaat 80 11 11.
Ulloq unnuarlu oqarasuaatikkut ugguuna: 34 44 00
Saaffiginnittussat tamarmik oqarasuaatikkut saaffiginnissapput, tamakkunanilu aggernissaq pisariaqartinneqassanersoq nalilersorneqartassaaq.
Allorfik Sermersooq ugguuna attavigineqarsinnaavoq:
Oqarasuaat: + 299 531242 aamma mail: allorfik.sermersooq@allorfik.gl
Nuummi Katsorsaavimmi innuttaasunut katsorsarneqareersunut katsorsaanerit ingerlaannassapput, kisianni innuttaasunik nutaanik katsorsarneqartussanik tigusisoqartassanngilaq.