airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Allorfik Unnuk Kulturisiorfimmi alakkarteruk

Allorfiup sinerissami katsorsaaviini tallimaasuni sisamat Unnuk Kulturisiorfimmi januaarip 21-ani 2023-mi peqataassapput. Katsorsaaviutigut alakkartikkit katsorsaasugullu pikkorissut suliaminnullu piginnaanillit naapillugit.
19. januar 2023

Allorfik Kujalleq Qaqortumiittoq meeqqanut ilaqutariinnullu sammisassaqartitsilluni ullup qeqqaniit sisamap tungaanut ammassaaq.  

Allorfik Sermersooq Nuummiittoq peqqinnissaqarfimmiittut allat peqatigalugit Dronning Ingridip Peqqissaavianiissaaq. Allorfik Sermersoormiut Nakorsiartarfiup utaqqisarfiani nalunaaqutaq 17.00-ip aamma 20.00-ip akornanni naapissinnaavatit.

Allorfik Qeqertalik Aasianiittoq ualikkut marluniit sisamap tungaanut tamanut ammassaaq. Katsorsaavipput alakkaruk, tassanilu aamma katsorsaasugut naapillugit.

Allorfik Avannaa Ilulissaniittoq meeqqanut ilaqutariinnullu sammisassaqartitsilluni ualikkut marluniit sisamap tungaanut tamanut aamma ammassaaq.

Katsorsaaviit ataasiakkaat sammisassaqartitsinissaminnut pilersaarutigeriigaasa saniatigut, taakkunani atorfillit katsorsaanissamut neqeroorutinik aamma aanngajaarniutinik aningaasanoornermillu ajornartorsiutaasumik atuinermi qanoq ililluni katsorsartilertoqarsinnaaneranik oqaluttuussinnaavaatsit. 

Aanngajaarniutinik atuisarnerit pillugu imminut aamma misilittarsinnaavutit.

Unnuk Kulturisiorfimmi Allorfimmi takussaagut.