Nalunngiliuk...
Nalunngiliuk...
Allorfik innutaasunut 15-ilereersimasunut, aanngajaarniutinik aningaasanoornermillu ajornartorsiuteqartunut, katsorsaasarmat?
Indhold
Inuusuttoqatitit aanngajaarniutinik ajornartorsiuteqartut, Allorfiup katsorsaaviini inuusuttunut immikkut eqimattaliani, peqatigalugit aanngajaarniutinik ajornartorsiuteqarninnit qaangiiniaqatigisinnaavatit.
Inuusuttut arfinillit, amerlanerilluunniit, taamatut ingerlatsinissamut soqutiginnippata eqimattat pilersinneqarsinnaapput.
Paasisaqarnerorusukkuit kommunerisanni Allorfik attavigiuk.
Meeraanitsinni misigisagut inersimasutut inuunitsinnut sunniuteqarsinnaapput. Ilaqutariinni aanngajaarniutinik ajornartorsiuteqarfiusumi peroriartorsimaguit, tamanna ilinnut suli maannamut sunniisarsinnaavoq.
Taamaammat Allorfik inuusuttunut aanngajaarniutinik ajornartorsiuteqarfiusumi peroriartorsimasunut eqimattanik immikkut ittumik neqerooruteqarpoq.
Paasisaqarnerorusukkuit kommunerisanni Allorfik attavigiuk.
Inuusuttut aanngajaarniutinik ajornartorsiuteqartillugit ilaqutariinnut ernumanermik artorsartitsinermillu malitseqarsinnaavoq.
Allorfiup katsorsaavii inuusuttut aanngajaarniutinik ajornartorsiuteqartut angajoqqaavinut imaluunniit qanigisaannut eqimattani katsorsaanernik ingerlatsisarput.
Ikorfartoqatigiinni angajoqqaat illit aqqusaangarnut assingusunik atugaqartut naapissinnaavatit. Ikorfartoqatigiinni misilittakkassinnik avitseqatigiissinnaavusi, immissinnut tapersersorlusi aamma aqqusaakkasi ilungersunartut qanoq iliuuseqarfigisinnaanerinut isumassarsisinneqarlusi.
Paasisaqarnerorusukkuit kommunerisanni Allorfik attavigiuk.
Allorfinni katsorsaasut naapitassatit assigiinngitsunik ilinniagaqartuupput, soorlu perorsaasut, isumaginninnermi siunnersortit, peqqissaasut imalt. psykoterapeutit ilinniakkaminnik qaffassarlutik pinngitsuuisinnaajunnaarneq pillugu ilinniaqqinnikut.
Katsorsaasut tamarmik nipangiusimasussaatitaapput. Allorfiup avataani eqqartorusunngisatit oqaluttuarisinnaavatit. Katsorsaasut suliamut tunngatillugu allanik suleqateqarniarunik, assersuutigalugu kommunimi sullissisut, taava akuersissummik ilinniit peqqaarnissartik qinnutigeqqaartartussaavaat.
Allorfik meeqqat inuusuttullu pillugit allanik aamma neqerooruteqarpoq, taakkua uani annertunerusumik paasisaqarfigisinnaavatit: