Qanigisaasunut

Aanngajaarniutinik ajornartorsiuteqartumut qanigisaalluni ilaanni ilungersunarsinnaasarpoq. Ernumaneq, nalornineq aamma ulluinnarni atukkanut ilungersuanartunut kisimiittutut misiginerit qanigisatut pigisinnaavatit.

Allorfimmi tapersorserneqarlutillu siunnersorneqarsinnaavutit, inuk qanitarisat katsorsartippat imlt. katsorsartinngikkaluarpalluunniit.

Neqeroorut qanoq ingerlanneqartarpa?

Katsorsaaneq eqimattani ingerlanerusarpoq, tassani qanigisaasut allat naapissavatit. Neqeroorut kisimiilluni oqaloqateqarnermik aallartittarpoq, kingorna eqimattani sap. ak. arfineq-marlunni sap. ak. ataasiarluni naapeqatigiinnernik ingerlanneqartarluni.

Peqataajartornissannut periarfissaqanngikkuit oqarasuaatikkut imalt. internetti aqqutigalugu peqataasinnaavutit.

Illoqarfimmi imlt. nunaqarfimmi Allorfeqanngitsumi najugaqaruit, Allorfik najugarisaq qimannagu qanigisaasunut katsorsaanermik ilaanni neqeroorsinnaasarpoq.

Attavigitigut
Apeqqutissaqaruit, imalt. tapersersorneqarnissannut aamma katsorsarneqarnissannut periarfissatit pillugit paasisaqarnerorusukkuit, taava Allorfimmut attaveqarnissannut tikilluaqqusaavutit.

Ulluinnarni nal. 9 aamma 15-ip akornanni oqarasuaat 34 14 51-imut sianerfigaluta attavigisinnaavatsigut, imalt. uunga mailerfigisinnaavatsigut: allorfik@peqqik.gl

Allorfiup katsorsaaviisa ataasiakkaat attaveqarfissaat ugguuna aamma takusinnaavatit.

Imigassamik hashimilluunniit ajornartorsiuteqartumut, najugaq qimannagu illoqarfigisami, nunaqarfigisaminiilluunniit, katsorsarneqartumut qanigisaaguit, taava aamma illit qanigisaasutut katsorsarneqarnissannut periarfissaqarputit.

Qanigisaasunut katsorsaanerit eqimattani ulluni 14-ini ualikkut naapeqatigiittarnikkut ingerlanneqartarput

Qanigisat katsorsartinngippat, illilli najugaq qimannagu katsorsaasoqarnerani qanigisatut katsorsarneqarnissat kissaatigigukku, taava kommunerisanni sullissisut imalt. Allorfik saaffigisinnaavat periarfissatit paasiniarlugit.

Attavigitigut
Allorfimmut ulluinnarni nal. 9 aamma 15-ip akornanni oqarasuaat 34 14 51-imut sianerfigaluta attavigisinnaavatsigut, imaluunniit katsorsartikkusukkuit katsorsartinnissamulluunniit periarfissatit pillugit apeqqutissaruit uunga mailerfigisinnaavatsigut: allorfik@peqqik.gl

Allorfiup katsorsaaviisa ataasiakkaat attaveqarfissaat ugguuna aamma takusinnaavatit.

Inuusuttut aanngajaarniutinik ajornartorsiuteqartillugit ilaqutariinnut ernumanermik artorsartitsinermillu malitseqarsinnaavoq.

Allorfiup katsorsaavii inuusuttut aanngajaarniutinik ajornartorsiuteqartut angajoqqaavinut imaluunniit qanigisaannut eqimattani katsorsaanernik ingerlatsisarput.

Ikorfartoqatigiinni angajoqqaat illit aqqusaangarnut assingusunik atugaqartut naapissinnaavatit. Ikorfartoqatigiinni misilittakkassinnik avitseqatigiissinnaavusi, immissinnut tapersersorlusi aamma aqqusaakkasi ilungersunartut qanoq iliuuseqarfigisinnaanerinut isumassarsisinneqarlusi.

Paasisaqarnerorusukkuit kommunerisanni Allorfik attavigiuk.

Allorfinni katsorsaasut naapitassatit assingiinngitsunik ilinniagaqartuupput, soorlu perorsaasut, isumaginninnermi siunnersortit, peqqissaasut imalt. psykoterapeutit ilinniakkaminnik qaffassarlutik pinngitsuuisinnaajunnaarneq pillugu ilinniaqqinnikut.

Katsorsaasut tamarmik nipangiusimasussaatitaapput. Allorfiup avataani eqqartorusunngisatit oqaluttuarisinnaavatit. Katsorsaasut suliamut tunngatillugu allanik suleqateqarniarunik, assersuutigalugu kommunimi sullissisut, taava akuersissummik ilinniit peqqaarnissartik qinnutigeqqaartartussaavaat.