Ilinniartitaaneq
Indhold
Aanngajaarniutit pillugit pingaarnertutat tavittut ilinniartitaaneq inuussutissarsiutitigut ilinniartitaasimasunut imal. bachelorinut tamanut saaffiginnissutaavoq.
Ilinniartitaanermi peqataasut pinngitsuuisinnaannginnernik assigiinngitsunik paasinninnissamut, katsorsartinnissamut kajumilersitsisinnaanermut, katsorsaavinnut neqeroorutinullu ilisimaarinninnermik siammarterinissamut ilinniartinneqarnissaat siunertaavoq. Ilinniartitsinermi imigassamik, hashimik aningaasanoornermillu pinngitsuuisinnaannginneq, oqaloqatigiinneq kajungilersitsisoq kiisalu katsorsaaviit aaqqissuussaanerat qitiutinneqarput.
Ilinniareernerup kingorna peqataasut inunnut aanngajaarniutinik aningaasanoornermillu pinngitsuuisinnaanngitsunut ass. namminneq suliffimminni pisariaqartitaminnik ikiorneqarnissaannut tapersiisinnaapput. Tamatuma saniatigut aanngajaaniutinut tunngatillugu katsorsaasutut ilinnialernissamut qinnuteqarsinnaapput.
Aanngajaarniutit pillugit pingaarnertut attavittut ilinniartitaaneq ilinniartitsinermik ullunik qulinik sivisussusilimmik immikkoortortaqarpoq Peqqissaanermillu Ilinniarfik (PI) suleqatigalugu ukiumut marloriarluni ingerlanneqartarluni.
Ilinniartitaaneq ilinnialersussatullu tiguneqarsinnaaneq pillugit paasissutissat sukumiinerusut nutaarsiassani kiisalu nittartakkami: www.pi.gl-imi saqqummiunneqartassapput.
Aanngajaarniutinut tunngatillugu katsorsaasutut ilinniartitaaneq, sulisunut perorsaasutut, inunnik isumaginnittutut- imal. peqqinnissamut tunngasumik qaffasissumik akunnattumik sivisussusilimmik ilinniarsimasunut aanngajaarniutinut aningaasanoornermullu tunngatillugu pingaarnertut attavittut ilinniarsimasimasunut, saaffiginnissutaavoq.
Ajornartorsiutit pillugit eqqarsaatit tunngavigalugit oqaloqatigiinnikkut katsorsaariaatsit iluaqutsiullugit aanngajaarniutinut tunngatillugu katsorsaasunik, inunnik imigassamik, hashimik aningaasanoornermillu pinngitsuuisinnaajunnaarsimasunik katsorsaanermik piginnaasalinnik ilinniartitsinissaq, ilinniartitaanerup siunertaraa.
Ilinniartitaaneq, aanngajaarniutit pillugit attaviattut ilinniartitaanerup saniatigut modulinik pingasunik, katillugit ullunik ilinniartitsivinnik 15-inik immikkoortortaqarpoq.
Ilinniartitaaneq Peqqissaanermik Ilinniarfik suleqatigalugu ingerlanneqarpoq.
Ilinniartitaaneq ilinnialersussatullu tiguneqarsinnaaneq pillugit paasissutissat sukumiinerusut nutaarsiassani kiisalu nittartakkami: www.pi.gl-imi saqqummiunneqartassapput.
Masterclass tassaavoq aanngajaarniutinik ajornartorsiutaasumik atuisunik katsorsaasartunut allanullu assingumik ilinniagalinnut ilinniagarineqarsinnaasoq.
Ilaqutariinnik katsorsaaneq paasinnittaaseq aallaavigalugu ingerlanneqarnissaa ilinniarnermi ukkanneqartarpoq.
Pikkorissarneq peqataasut akornanni eqimattakkuutaarnermik aallaaveqarluni ingerlanneqartarpoq. Atuisut isiginnittaaseqalernissaannik sakkussanillu atuisinnaanermik sungiusarfiulluni. Peqataasut suliassatut (case-tut) saqqummiussaannik aallaaveqarneruvoq, paasinnittaaserlu aqqutigalugu ilaqutariinnut katsorsaanermi periutsit qanoq atorsinnaanerinik itisiliinermik imaqarluni.
Pikkorissarneq ulluni tallimani ingerlanneqartarpoq.
Qinnuteqarfissaq uani pissaaq; www.pi.gl.
MBRP-mut (Mindfulness-Based Relapse Prevention/ maanna inuunermut akuersaarneq tunngavigalugu utersaarnermik pitsaaliuineq) pikkorissarneq katsorsaasunut, sulisunullu allanut innuttaasunik aanngajaarniutinik ajornartorsiutilinnik sullissisunut pingaarnertut saaffiginnippoq.
Pikkorissartut, maanna inuunermut akuersaarneq tunngavigalugu katsorsaanerup aanngajaarniutinik atuinissamut utersaarnermullu pitsaaliuinissamut sakkutut atornissaata ilinniarnissaa, innuttaasunillu qisuariaatsinik-periaatsinillu pissusissamisuunngitsunik allannguinissamik pisariaqartitsisunik tapersersuinissaq, siunertaapput.
Ilinniartitsineq, maanna inuunermut akuersaarneq tunngavigalugu katsorsaanermi tunuliaqutaasut periaatsit eqqarsaatersuutillu pillugit atuagarsornermik, kiisalu maanna inuunermut akuersaarneq tunngavigalugu katsorsaanermik sungiusarnermik, imaqarpoq.
Pikkorissarneq modulinik marlunnik katillugit ullunik pikkorissarfinnik aqqanilinnik immikkoortortaqarpoq Novavilu suleqatigalugu ingerlanneqarluni.
Pikkorissarneq peqataaniarlunilu nalunaarneq pillugit paasissutissat sukumiinerusut nutaarsiassani saqqummiunneqartassapput.
Allorfiup aallarnerneraniit kajumissuseq pillugu oqaloqatigiinnermut (Motivational Interviewing, MI) kalaallisut ilinniusiuteqalernissaa pisariaqarsimavoq. Allorfimmi katsorsaasut - allallu - periutsimik atuisuusut maannamut MI-mi periutsit isumaasalu imarisai qallunaat oqaasiinik suliat tunngavigalugit ilinniarlugillu oqallisigisariaqartarsimavaat, taamaaseriarlutillu namminneq isummat imarisai katsorsaanerminni atugassatik kalaallisuunngortittarsimallugit.
Allorfimmi 2024-mi aalajangiunneqarpoq - Anette Søgaard Nielsen Syddansk Universitetimeersoq suleqatigalugu - ilinniusiummik naatsumik kalaallisut atuakkiortoqarnissaanik. Maannakkullu piviusunngorpoq.
Suliaq pissanganarsimaqaaq. Oqaatsit isummallu imarisai assigiinngitsutigut nutaamik inissitsiterneqartariaqarsimapput MI-mut kalaallisut tulluarsarlugit. Poul Møller-Heinrich katsorsaanermik tunuliaqutani, piffissamilu sivitsortumi MI-mik danskisut tuluttullu suliaqartarnera tunngavigalugu Allorfimmi katsorsaasut peqatigalugit MI-mut oqaatsinik inerisaasimapput.