Indhold
Allorfik
Allorfik nuna tamakkerlugu aanngajaarniutinik pinngitsuuisinnaajunnaarnermut aningaasanoorajuttuunermullu
akeqanngitsumik katsorsaanermik isumaginnippoq.
Siunissami nuna tamakkerlugu atornerluisunik katsorsaasalernissamut pilersaarut piviusunngortinniarlugu Allorfik 2016-mi januaarip aallaqqaataani pilersinneqarpoq. Inersimasunik aanngajaarniutinik atornerluinermik aningaasanoorajunnermillu ajornartorsiutilinnik akeqanngitsumik katsorsaasoqartarnissaa pilersaarummi nassuiarneqarpoq.
Allorfiup sulinera Pinngitsuuisinnaajunnaarnermik katsorsaasarneq pillugu Inatsisartut inatsisaat nr. 10 12.juuni 2019-imeersumik toqqammaveqarpoq.
Allorfiup, Pinngitsuuisinnaajunnaarnermik Paasisimasaqarfittut katsorsartinniartunut ukunnga innersuussinerit akisussaaffigai:
Allorfik Avannaa (Ilulissat)
Allorfik Kujalleq (Qaqortoq)
Allorfik Qeqertalik (Aasiaat)
Allorfik Qeqqata (Sisimiut)
Allorfik Sermersooq (Nuuk)
Katsorsaavik Nuuk
Allorfiup katsorsaaviini uninngassutiginngikkaluarlugu ulluunerani ornigulluni oqaloqatiginnittarluni katsorsarnerit sap. ak. 17-nit missaani ingerlanneqartartut neqeroorutigai. Katsorsaavik Nuummi sap. ak. arfinillit arfineq-pingasullu akornanni ulluunerani katsorsartinneq imalt. kommunit kissaataat naapertorlugu illoqarfinni najukkani katsorsartinneq aamma neqeroorutigisarpaa.
Katsorsaanerup saniatigut Allorfik makkunannga aamma neqerooruteqarpoq:
Katsorsartereernermi ikorfartorneqarneq
Ilaquttanik/qanigisanik katsorsaaneq
Aanngajaarniutinik aningaasanoornermillu ajornartorsiuteqarnermi siunnersuineq
Iliuuseqarnerup malittarineqarnera naliliivigineqarneralu
Anguniagassatut takorluukkat
Inuiaqatigiinni innuttaasut aanngajaarniutinik pinngitsuuisinnaajunnaarnermiit aningaasanoorajunnermiillu aniguisimasut angajoqqaallu meeqqamik pisariaqartitaannik isumaginnissinnaanermut piginnaanillit.
Suliassaq
Kalaallit Nunaanni aanngajaarniutit pillugit ajornartorsiutinik suliaqarnermi suliffeqarfittut nutaaliortutut ilinniagaqassutsikkullu piumasaqaatinik qaffasissunik eqquutitsisutut suleqatigisanut isaassisutut atuisutsinnullu ataatsimut isiginnilluni aaqqiissutinik qulakkeerisutut toqqammaviunissaq.
- Isumarput naapertorlugu ilinniagaqassutsikkut piumasaqaatinik qaffasissunik eqquutitsinermut tunngatillugu suliffeqarfiup ilisimatuussutsikkut paasisaanik tunngaveqarluni- innuttaasut ataasiakkaat pisariaqartitaat naapertorlugit- aanngajaarniutinik aningaasanoornermillu ajornartorsiuteqarnermut katsorsaanissaq tamatigut qulakkiigassaraarput. Katsorsaaneq sulisunit pisariaqartitamik ilinniarsimasunik pisarialimmillu ikorfartorneqartunit ingerlanneqarpoq.
- Isumarput naapertorlugu nutaaliornermut tunngatillugu atuisut inuiaqatigiillu pisariaqartitaat naapertorlugit suliffeqarfik ineriartussaaq. Suliatsinnut suli pikkorinnerulernissarput tamatigut anguniagaraarput.
- Isumarput naapertorlugu, tamakkiisumik isiginnilluni aaqqiissuteqarneq atuisunut- kissaatigisatut inuunerup angunissaanut iluaqutaanerpaamik ataatsimut neqeroorfigineqarnissaat qulakkeerniarlugu suliffeqarfimmiit suleqatigisat tamaasa isaassivigissavagut.
Naleqartitat
Peqqinneq timikkut tarnikkut inuttullu inooqataanermi iluarusunnertut allanngorartutut pitsaasumillu inuuneqarnissamut sakkussatut isigaarput. Aanngajaarniutinik ajornartorsiutitalimmik atuineq aningaasanoorajunnerlu nappaatitut isigineqarput ajornartorsiutitullu paasilertoruminaatsutut kingornussanit avatangiisiniillu katitikkatut isigineqarlutik.
Katsorsartinnissamut neqeroorut
Nunat tamalaat akornanni katsorsaariaatsimik pitsaassutsimut naapertuuttumik katsorsartinnissamut neqerooruteqarpugut. Tamanna sulisut ilinniartitaajuarnerat ikorfartorneqartuarnerallu aqqutigalugu qulakkeerneqarpoq.
Allanik suleqateqarneq
Suleqatitta tamarmik ilinniagaqassutsikkut piumasaqaatinik qaffasissunik eqquutitsisutut, tatiginartutut, neriorsuutinik eqquutitsisartutut, nutaaliortutut anguniagassanillu takorluuisinnaassusilittut isigigaatigut, sulisullu taama paasinnittariaatsip naapertuunnera misigaat.
Innuttaasunik katsorsaanermut tunngasut
- Innuttaasut katsorsaanerput sapinngisarlu tamaat aanngajaarniutinik aningaasanoorajunnermilluunniit ajornartorsiuteqarnerminnut pitsaanerpaamik ikiuussinnaanerput tatigisinnaavaat.
- Innuttaasut paasineqartutut tikilluaqqusaasutullu misigisimapput.
- Innuttaasut periarfissiissutaasut iluanni sapinngisaq tamaat malinnaaffigineqarnissartik ilisimavaat.
- Innuttaasut inuttut ataatsimoortutut immikkullu pisariaqartitsisutut isigaagut – tamannalu sulinitsinni aallaavigaarput.
Suliffeqarfittut
Aqutsisut peqataapput, ataqqinnittuupput piffissaagallartillugulu suliffeqarfimmut sulisunullu iliuuseqartarlutik.
Sulisut paasineqartutut misigisimapput ineriartornissamullu periarfissinneqarlutik.
Allorfiup aaqqissuussaaneranut assersuut ugguuna aasinnaavat.
Allorfiup aanngajaarniutit pillugit politikkia, Allorfimmi atorfilinnut tamanut, taartaagallartunut ilinniartunullu atuuttoq PDF-nngorlugu ugguuna aasinnaavat.
Allorfiup ukiumoortumik nalunaarusiai pdf-itut maani aasinnaavatit:
Ukiumoortumik nalunaarusiaq 2025
Ukiumoortumik nalunaarusiaq 2024
Ukiumoortumik nalunaarusiaq 2023
Ukiumoortumik nalunaarusiaq 2022
Ukiumoortumik nalunaarusiaq 2021
Ukiumoortumik nalunaarusiaq 2020
Ukiormoortumik nalunaarusiaq 2019
Ukiormoortumik nalunaarusiaq 2018
Ukiormoortumik nalunaarusiaq 2016-2017
Killiffik pillugu nalunaarut 2017 - Ilaqutariinnut naartusunut siusissukkut iliuuseqarneq
Kommunit
Allorfik kommunillu ataasiakkaat nalunaarusiaq Siunissami nuna tamakkerlugu atornerluisunik katsorsaasalernissamut pilersaarut naapertorlugu pinngitsuuisinnaannginnermut katsorsaaneq pillugu suleqatigiinnissamut isumaqatigiissuteqarpoq.
Isumaqatigiissutini aaqqissuussaanikkut periutsit, allaffissornikkut ingerlatsinermi isumaqatigiissutit illuatungeriillu akornanni ulluinnarni suleqatigiinnermi suliassat aalajangersimasut agguarneqarnerisa nassuiarnissaat siunertaavoq.
Maannamut Kommuneqarfik Sermersooq Qeqqatalu Kommunia suleqatigiinnissamut isumaqatigiissuteqarfigineqarput.
Peqqinnissaqarfik
Siunissami nuna tamakkerlugu atornerluisunik katsorsaasalernissamut pilersaarut naapertorlugu innuttaasunut pinngitsuuisinnaannginnermut atatillugu ajornartorsiutit saniatigut nakorsartinnerup naammassinissaannut kigaalaqusersuisinnaasumik nappaatilinnut tunngatillugu, suleqatigiinnissamut Peqqinnissaqarfimmut Allorfimmit isumaqatigiissuteqarfigineqassaaq.
Nakorsaatit atorlugit nakorsartinnerup tamatumunngalu atatillugu qaatussaanerup pinngitsuuisinnaannginnerullu kingunerluutitaannik katsorsaanerup isumaqatigiissummut ilanngunneqarnissaat Allorfiup kissaatigaattaaq.
Najukkami ulluuneranilu katsorsaaneq
Allorfiup illoqarfinni minnerni nunaqarfinni Nuummilu ullukkut katsorsaanermik isumaginninnissaq suliarinnittussarsiuuppaa. Tamatumunnga atatillugu Katsorsaavik Nuuk 2017-imiit 2019-imut katsorsaanernik qulaani pineqartunik isumaginnittussaq suleqatigiinnissamut isumaqatigiissuteqarfigineqarpoq.
Suliffeqarfiit
Suliffeqarfiit suleqatigiinnissamut Allorfimmut isumaqatigiissuteqarsinnaapput, tamatumuuna taakku kommunini sullissisutulli sulisuminnik pinngitsuuisinnaannginnermut katsorsartinnissamut innersuussisinnaanissaat periarfissinneqarpoq. katsorsartinnissap pilertortumik aallartinneqarsinnaanissaa siunertaavoq.
Maannamut suleqatigiinnissamut isumaqatiggiissusiorfigineqarpoq:
• Kofoeds Skole
2018-imi Nuummi suliffeqarfiit annerumaat 20-it pallittut Allorfiup neqeroorutaanik suleqatigiinnissamullu isumaqatigiissusiornissamut periarfissaqarneranik ilisimaarinninneq siammarterniarlugu Allorfimmit orninneqassapput. Taama isumaqatigiissusiornissaq kissaataappat, suliffeqarfiit soqutiginnittut Allorfimmut, pinngitsuuisinnaannginneq pillugu ilisimasaqarfimmut saaffiginnissinnaapput.
Suleqatigisat allat
• Odensimi Center for Ludomani
• Odensimi imigassamik ajornartorsiutilinnik katsorsaaneq
• Københavnimi U-turni
• Syddansk Universitetimi imigassaq pillugu ilisimatusarfik
Allorfik tassaavoq Pinngitsuuisinnaajunnaarnermik Paasisimasaqarfiup atia. Ateq Allorfik najukkani katsorsaavinni aamma atiutinneqarpoq.
Ilisarnaat eqqumiitsuliortumit Nina Kreutzmannimit titartarneqarpoq.
Ilisarnaammiipput aqqa Allorfik, nigalik titarnerlu qaarajuttoq.
Ilisarnaatip nigalittaata seqernup qaqqanit alakkaannera ersersippaa. Titarnerup kuuk imal. aqqut sangujoraartoq ersersippaa.
Ilisarnaat nukittussutsimik, aammali ammasuunermik inussiarnernermillu, kiisalu Allorfiup
inuunermut pitsaasumut pinngitsuuisinnaannginnermik ilaqanngitsumut aqqummi – naqinnerup i-p toorneranik seqinertut ersersitami, siullertut uniffiuneranik ersersitsissaaq.
Allorfik suliatigut siunnersuinermut ataatsimiititaliaqarpoq ukuninnga inuttaqartumik:
- Efraim Olsen - Allorfiup pisortaa
- Steven Arnfjord - Isumaginninnermi Sulisaqarnermi Immikkoortortami pisortaq
- Christina Viskum Larsen - Det Sundhedsvidenskabelige Fakultetimi professori
- Parnûna Heilmann - Dronning Ingrids Hospitalimi nakorsaaneq
- Bolethe-Marie Olsen - Paarisami siunnersorti
- Bitten Heilmann - Maniitsumi Majoriami pisortaq
Attavissaq:
Allatsi Kathrine Kruse, oqarasuaat: 34 14 58, email: kthk@peqqik.gl
Imigassaq Ikiaroornartorlu pillugit Siunnersuisooqatigiinnut Allorfik, Pinngitsuuisinnaajunnaarnermik Paasisimasaqarfik allattoqarfittut atuuppoq.
Imigassaq Ikiaroornartorlu pillugit Siunnersuisooqatigiinnit nutaarsiassat:
17. september 2024: Imigassaq Ikiaroornartorlu pillugit Siunnersuisooqatigiinnit imigassaq pillugu siunnersuutit nutaat (PDF)
26. februar 2024: Imigassaq Ikiaroornartorlu pillugit Siunnersuisooqatigiit pilersinneqaqqipput (PDF)
Imigassaq pillugu siunnersuutit
Siunnersuisooqatigiit katitigaanerat
Siunnersuisooqatigiinni ilaasortat qulingiluaapput:
Ivalu Katajavaara Seidler, Ilisimatusarfimmit innersuunneqartoq (siulittaasoq)
Gujo Thorsteinsson, NGO-mit/nit innersuunneqartoq (siulittaasup tullia)
Bjørn Tegner Bay, Kalaallit Nunaata Politiviinit innersuunneqartoq
Efraim Olsen, Allorfimmit innersuunneqartoq
Lisa Sólrun Christiansen, Peqqissutsimut Naalakkersuisoqarfimmit innersuunneqartoq
Inuttaqanngikkallarpoq, Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmit innersuunneqartoq
Rigmor Villadsen, Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfimmit innersuunneqartoq
Louise Engraf, Meeqqanut, Inuusuttunut Naalakkersuisoqarfimmit innersuunneqartoq
Mariane S. Larsen, kommuninit innersuunneqartoq
Attavissaq:
Allatsi Kathrine Kruse, oqarasuaat: 34 14 58, email: kthk@peqqik.gl