Allorfik INI A/S suleqatigiissusioqatigisimavaa, innuttaasut Allorfik Kujalleq-mi aanngajaarniutinik assigisaanillu katsorsartittut, INI A/S-imi aningaasaqannermi siunnersuisartunut toqqaannartumik innersuunneqartalersinnaanerat.
Allorfik INI A/S-ilu suleqatigiissusiorsimanerat pingaaruteqarpoq, akiligassat, taamatumalu ataani ineqarnermut akiligassatigut kinguaattoornerit aammalu anisitaasinnaanermut ernumanerit innuttaasunut aanngajaarutinik assigisaannillu atornerluinerminnut atatillugu katsorsartittut katsorsartinnertik aallunniarneranik ajornakusoortitsisinnaammata. Aningaasaqarnermi siunnersuisartut katsorsartittunut neqeroorutigaat aningaasaqarnermut tunngasutigut ikiorneqarsinnaaqqullugit siunnersorneqarlutillu qanoq akiitsuminnik aniguiniassasut.
Allorfik nuannaarutigaa suleqatigiissut, neriullutalu neqeroorutaasoq kommuninut tamanut siammaakkumaartoq, pisariaqartinneqarmammi.
Suleqatigiissusiaq annerusumik uani atuarsinnaavat