airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Innersuussinermi atuisunut tamanut paasussutissaq pingaarutilik!

Pisinnaatitsissummik tunniussineq ajornannginnerulernikuuvoq!
19. juni 2019

Nuannaarutigingaarlugut nalunaarutigissuarput, aanngajaarniutinik aningaasanoorajunnermullu katsorsartinniartunut akuersilluni immersuisarneq oqinneerarsuanngortinneqarmat.

Allorfiup innersuussisarnermut quppernerani innuttaasunik innersuussininni pisarnittut innersuussisassaatit, kisianni systemi nutaaq ilanngunneqarpoq. Tassalu akuersilluni atsiortakkami print-eriarlugu scannertarnera pisarisaaruppoq. Innersuussinermi ingerlaannartoqarsinnaanngorpoq. Linkeq innersuussinermiittoq toorukku aallugulu (download) quppersagaq akuersilluni immersugassaq, taannalu katsorsartinniartumut tunniunneqassaaq. Innuttaasoq peqatigalugu quppersagaq paasissutigineqassaaq, taamaasilluni innuttaasoq paasitinneqassaaq akuersinermut tunngasumik. Taassuma kingorna innuttaasup akuersilluni boksip iluaniittoq krydsilerfissaq toorneqassaaq (markererlugu). Taamaasioreeruillu innersuussinerit ingerlaqqiinnassaaq.

Allorfimmiit kissaatigaarput systemitta eqaannerulerneranut innersuussisartut oqilisaassinnaallugit.

Arlaanik apeqqutissaqassaguit Allorfik, Pinngitsuuisinnaajunnaarnermut Paasisimasaqarfik oqarasuaatikkut: +299 525343 attavigisinnaavat