Piffissaq manna immaqa atorluarsinnaavarput atuisarnerput pillugu imminut apeqquteqalaarnissatsinnut.
Imerpallaarpunga?
Aanngajaarniutinuku uannut qanoq sunniisartut? Ilaqutannut? Suliffinnut?
Isumaqaruit aangajaarniutit inituallaartut imaluunniit ilinnut avatangiisernulluunniit sunniuteqarpallaartartut, taava Allorfik illit ikiorniarlutit piareersimavoq.
Allorfik kommunini tamani katsorsaaveqarpoq aamma pisariaqartitatit naapertorlugit katsorsartinninnernut allanut ingerlariaqqinnissannut ikiorsinnaallutit.
Allorfiup aanngajaarniutinik pinngitsuuisinnaajunnaarnermut aningaasanoorajuttuunermullu katsorsartinneq akeqanngitsumik neqeroorutigaa. Allorfik Qaqortumi, Nummi, Sisimi-uni, Aasianni aamma Ilulissani katsorsaaveqarpoq. Katsorsarneqarneq katsorsaavimmut ornigulluni oqaloqateqarnermi imaluunniit oqarasuaatikkut qarasaasiakkulluunniit attaveqatigiinneq aqqutigalugu ingerlanneqarsinnaasarpoq.
Illoqarfinni Allorfeqanngitsuni aamma katsorsaasoqarnissaanut periarfissaqarpoq. Aamma nunaqarfinni innuttaasunut Allorfik immikkut neqerooruteqarpoq.
Katsorsartikkusukkuit periarfissatit arlaqarput:
- Kommunemi sullissisumut saaffiginnissinnaavutit
- Najugarisanni Allorfimmut saaffiginnissinnaavutit
- Imaluunniit suliffinni aqutsisunnut ilaatigut saaffiginnissinnaavutit, Allorfik suliffeqarfinnut angisuunut ilaatigut isumaqatigiissuteqarmat
Imminut misilittarit
Imigassaq, hashi aningaasanoorajunnerluunniit ajornartorsiutiginerlugit nalornissuteqaruit, taava ugguna imminut misilittarnissarnut periarfissaqarputit.
Aamma periarfissatit pillugit apeqqutissaqaruit uagutsinnut attaveqarnissamut tikilluaqqusaavutit.
Katsorneqarnissamut neqeroorutigut ugguuna takusinnaavatit.
Katsorsarneqarnissamut najugarisarnut qanittumi periarfissatit pillugit apeqqutissaqaruit Allorfimmut 52 53 43-mut ulluinnarni nalunaaqutaq 9 – 15 akornanni attaveqarfigisinnaavatsigut imaluunniit allorfik@allorfik.gl -imut attaveqarsinnaavutit.
Aamma katsorsarneqarnissamut periarfissat ugguuna takusinnaavatit: http://www.sullissivik.gl