Katsorsaavik Allorfik Sermersooq, qaammatini kingullerni marlunni Niels Hammekensvej 41-miikkallarsimasoq, Nuukullak 8B-mut pingasunngornermi maajip sisamaani nuuppoq.
Allorfik Sermersooq imigassamut, aanngajaarniutinut aningaasanoornernullu pinngitsuuisinnaajunnaarnernut katsorsaanernik neqerooruteqarpoq.
Katsorsartikkusukkuit nalunaaqqaanngikkaluarlutit katsorsaavitsinnut tikilluaqqoreerpatsigit, ulluinnarni Allorfik Sermersooq nal. 09.00-ip 15.00-llu akornanni ammasarpoq.
Aamma sianersinnaavutit oqarasuaammut +299 53 12 42 sms-imilluunniit nassilluta, taava sianerfigiumaarpatsigit.
