Illersuinerani pisortatigoortumik misilitsitsisut tassaapput professori Kamilla Venner, University of New Mexico-meersoq, professori Lene Seibæk, Ilisimatusarfiup Peqqissaanermik Pinngortitamillu Ilisimatusarfianersoq aamma lektori Leena Eklund Karlsson, Syddansk Universitetimi Institut for Sundhedstjenesteforskningimeersoq.
Allorfiup atuutilersinneqarnerani pingaartillugu pilersaarutigineqarsimavoq katsorsaaneq ilisimatuussutsikkut paasisanit aallaaveqassasoq aamma tamanna takussutissaqartinneqassasoq nalilersorneqarsinnaassasorlu. Taamaattumik Allorfik atuutilersinneqarsimatsiartoq ilisimatusarnikkut misissuinermik pd.h.-nngorniutaasumik aallartitsisoqarpoq. Ph.d.-nngorniummi makkua sammineqarput:
- Allorfiup aallartinneqarneranut tunuliaqutaasut nassuiarneqarneri
- Soqutigisaqartut aallartitsinerup qanoq ingerlasimaneranut isummernerannut misissuinerit
- Allorfimmi katsorsaanerup pitsaassusaata ineriartortinneranut misissuineq
- Innuttaasut katsorsartissimasut toqusarnerannut ataatsimut isigalugu misissuineq, taassumalu Kalaallit Nunaanni innuttaasunut allanut sanilliunnera
Allorfiup 2023-mut ukiumoortumik nalunaarutaani kapitali 6-mi allaaserisat naalisakkat atuarneqarsinnaapput.
Ph.d.-nngorniut ugguuna annertunerusumik paasisaqarfigisinnaavat: Implementation of best practice models in treatment of alcohol and other addictions in Greenland.
Julie pilluaqquarput.