Nunatsinni innuttaasunut internettikkut attaviit aqqutigalugit, kalaallisut aamma qallunaatut oqaasilinnut, Center for Ludomani Odensemiittoq suleqatigalugu katsorsaaneq nutaaq novembarip aallaqqataanit aallartinneqarpoq.
Allorfik Odensemi Center for Ludomanimut nunatsinni innuttaasunut aningaasanoornermik ajornartorsiuteqartunut katsorsaasarnissamut ukiuni pingasuni atuuttussamik isumaqatigiissuteqarpoq.
Johanne Kjølby, aanngajaarniutinik katsorsaasarnermut misilittagaqarluartoq aamma marluinnik oqaaseqartoq, Center for Ludomani suleqatigalugu innuttaasunut aningaasanoornermik ajornartorsiuteqarnerminnit aniguerusuttunut katsorsaanermik internettikkut attaviit aqqutigalugit ingerlatsissaaq.
Katsorsaaneq pillugu paasisaqarnerorusukkuit imaluunniit peqataarusukkuit, taava Allorfik attavigiuk. Imaluunniit www.sullissivik.gl-kkut katsorsarneqarnissannut imminut innersuussinnaavutit. MitID pisariaqarpoq.