Innuttaasup kisimi nammineerluni pissusilersuutini allanngortissinnaavai, aamma innuttaasup allannguinissamut pisariaqartitsineq takusinnaanngippagu, imaluunniit periarfissaq atorluanngippagu, taava innuttaasup peqqissusaanut inuunerminillu iluarisimaarinninneranut allannguinissaq pingaaruteqartoq pilersinnissaa ilimananngilaq. MI-mi innuttaasup allannguiniarnerani ikiuinissamut pitsaalluinnartumik sakkussaqarpugut allannguinissaminut kajumissuseqareerneranut nukittorsaataasinnaasumik.
Allorfiup aallarnerneraniit kajumissuseq pillugu oqaloqatigiinnermut (Motivational Interviewing, MI) kalaallisut ilinniusiuteqalernissaa pisariaqarsimavoq. Allorfiup Anette Søgaard Nielsen, Syddansk Universitetimeersoq suleqatigalugu MI pillugu kalaallisut atuakkiortoqarnissaanik 2024-mi suliaqarneq aallartippaa.
Atuagaq ”Kajumissuseq pillugu ogaloqatigiinneq – allannguinissamut aqqutissaq pillugu” / ”Motivational interviewing – vejen til samtaler, der forandrer” suleqatigiinnerup tamatuma inerneraa.
Atuagaq akeqanngitsumik Allorfiup nittartagaanit ugguuna aaneqarsinnaavoq.