Allorfimmi oqaloqateqartartoq kinaassutsiminik isertuussisoq: ”Iluaqutigingaatsiarpara inuunerup isumaa inuunerup peqqinnassusaa takusinnaalerakku iluareqaara toqqisisimanareqalugulu ingerlariaqqiffissannik tuniorartarmanga. Uannut inuttut alloriaatissannik eqqarsalersitsisuummata qujamasuutigeqaakka.”
Misissuinermi katsorsartinnermik naammagisimaarinninneq aamma periutsit oqaloqatiginninnermi atorneqartartut pillugit naammagisimaarinninneq annertuneruvoq. Naammagisimaarinninnerlu annertunerpaaq Allorfimmi katsorsaasup innuttaasup inuuneranik soqutiginninnermi inissisimalluni. Taamaattorli innuttaasut isummersorneri naapertorlugit pisortaqarfinnik soorlu kommunimi sullissisunik suleqateqarneq annikinnermik naammagisimaarinniffiulluni.
”Katsortinnerma nammassinisaa qilanaareqaara. Qujavungalu Allorfimmi katsorsarnissannut periarfissinneqarama.” Allorfimmi oqaloqateqartartoq kinaassutsiminik isertuussisoq taama oqarpoq.
Misissuineq pillugu atuarusukkuit una toorsinnaavat
Innuttaasut Sisimiuni Allorfimmiittarsimasut pillugit KNR-ip aallakaatitassiaa
KNR-imi aallakaatitassiortoq Allorfik Qeqqatami sulisunik Sisimiuni oqaloqateqartartut pillugit isiginnaagassiaq februaarip 16-ani aallakaatinneqarpoq.
Pia aamma aappariit Anders Marie-Katrinelu katsorsartissimanertik ullumikkullu inuunertik pillugu oqaluttuartut aallakaatitami isiginnaarneqarsinnaapput.
Allorfimmi suut neqeroorutigineqartarnersut aallakaatitami takutilluarneqarput.
Una toorlugu aallakaatitaq takusinnaavat