Qaqortumi ilinniarnertuunngorniarfimmi ilinniartut 160-it missaanniittut Allorfik Kujallermi katsorsaasumik kinaassutsiminnik isertuussillutik aanngajaarniutit pillugit oqaloqateqarsinnaalerput. Tamanna Allorfik Kujallerup aamma Campus Kujallerup suleqatigiinnissamut isumaqatigiissuteqarneratigut pisinnaalerpoq.
- Inuusuttut aanngajaarniutit aamma taakku sunniutigisartagai pillugit oqaloqatigisinnaavaatigut, uagummi inuusuttut aanngajaarniutinik atuisartut pillugit pitsaanerpaamik atugassaqartitserusuppugut. Inuusuttunut ilinniarnertuunngorniarfimmi ilinniartunut neqerooruteqarnitsigut ikiorneqarnissaq aamma oqaloqatigiissutigisaqarsinnaaneq ulluinnarsiutigineqalersinnaavoq, oqaloqatigiinnermi ilinniarnertuunngorniarfimmi pisartussaammat, Mille Bærholm Hansen, Allorfik Kujallermi katsorsaasoq, taama oqarpoq.
Suleqatigiinnissamut isumaqatigiissut naapertorlugu ilinniartut Allorfik Kujallermeersumik oqaloqateqartut oqaloqateqarnermik nalaanni atuanngitsoortutut nalunaarsorneqartassanngillat.
Allorfik Kujalleq sisamanngornerni nal. 12.00 aamma nal. 15.00 akornanni Qaqortumi ilinniarnertuunngorniarfimmiittassaaq.
Inuusuttut piffissami tassani toqqaannartumik saaffiginninnissaminnut tikilluaqqusaapput, aammali ilinniartunik siunnersortiminnit ilinniartitsisuminnilluunniit oqaloqateqarnissaminnut innersuunneqarsinnaallutik.