Angajoqqaat Aasianni najugaqartut, inuusuttumullu aanngajaarniutinik ajornartorsiuteqartumut angajoqqaajusut, angajoqqaaqatiminnik taamatulli atugaqartunik upernaap ingerlanerani naapitsisarnissaminnut periarfissaqalerput.
Naapinnissaq siulleq:
Piffissaq: Tallimanngorneq 17. marts 2023 nalunaaqutaq 19.00-miit – 21.00-imut.
Sumiiffik: Allorfik Qeqertalik, Niels Egedesvej 57, 3950 Aasiaat.
Angajoqqaat ikorfartoqatigiiffianni angajoqqaanit arfinilinniit qulinut amerlassusilinni peqataaffigineqartussami ilaassaatit, taakkua tallimariarlutik naapisinneqassapput. Ikorfartoqatigiit katsorsaasunit marlunnit aqunneqassapput oqaatsillu atorneqartussat kalaallisuujussallutik.
Ikorfartoqatigiinni angajoqqaat ilittut atugaqartut aqqusaakkatik pillugit avitseqatigiittassapput, atukkat kisermaallugit imaannaanngissinnaasartut pillugit. Misigissutsit sakkortuut ikorfartoqatigiittunut avitseqatigiiffiginissaannut periarfissiisoqassaaq, aamma iliuuserisartakkat siunertarineqartutut iluatsissimanngitsut pillugit isumassarsianik tunniussisoqarlunilu pissarsiffiusinnaassaaq, soorlu aamma allatut iliorsinnaanermut misiliisoqarsinnaassasoq.
Ikorfartoqatigiit tallimariarlutik naapissapput. Qulequttanik immikkut sammisaqarluni sisamariarluni naapittoqassaaq, ullullu naapiffissat sapaatip akunnerinik marlunnik sisamanilluunniit akunneqartassapput, kingorna qaammatit pingasut qaangiunnerani inaarutaasumik naapeqatigiittoqarumaarluni. Ataatsimoortarnissat unnukkut arfineq marluniik qulaaluap tungaanut ingerlanneqartassapput.
Naapiffissat allat ullui:
Ullut naapiffissat allat tassaapput: 31. marts, 21. april, 12. maj, 26. maj, 16. juni.
Inaarutaasumik naapeqatigiinneq nalunaaquttap akunnerinik marlunnik sivisussuseqassaaq, taannalu septembarip 15-ani ingerlanneqassalluni.
Angajoqqaanut ikorfartoqatigiiffittut taaguteqaraluartoq, inersimasut allat inuusuttumut qanigisaasut peqataanissaminnut aamma tikilluaqqusaapput.
Peqataaneq akeqanngilaq, peqataarusukkuit ima iliussaatit:
Allorfik Qeqertalimmut mailerlutit allorfik.qeqertalik@allorfik.gl “Angajoqqaat ikorfartoqatigiit” qulequtaralugu, atit aamma telefonnormut nalunaarutigissavat, imaluunniit Allorfik Qeqertalimmut ulluinnarni nal. 9 - 15 akornanni uunga sianerlutit: 53 98 38.