airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Utaqqisunut allatsigit: Mindfulnessimik pikkorissarneq

Ilinnut inuunermini pissutsinut attassiinnarusuttumut pikkorissarneq naleqquttuuvoq.
23. februar 2023

Immaqa inuuninni pissutsit allanngortinnikuuatit, soorlu aanngajaarniutinik atuinerit aqussinnaalerlugu, pujortassaarnikuullutit imaluunniit sanigorsimallutit.

Immaqa ilinnut ilungersunarpoq siornatigut inuunerinikuusat akuerissallugu uterfigeqqissanagulu. Taamaattumik MBSR-imik, mindfulnessimik aallaaveqartumik utersaarnerup pinaveersaartinnissaanut, pikkorissarneq ilinnut immaqa tulluarpoq.

Sivisuumik asimiinnikuutilluta timikkut eqqarsartariaatsikkullu oqimaaqatigiinnerunermik misigisaqartarpugut, tamanna mindfulness aqqutigalugu aamma anguneqarsinnaavoq.

Pikkorissarneq Allorfimmi, Nuukullak 8B-mi, sapaatit akunnerini arfineq-pingasuni ataasinngornikkut nal. 18.30-miit ingerlanneqartarumaarpoq. Pikkorissarneq akeqanngilaq.

Peqataarusuttut naammatsippata aallartiffissaa ullulerumaarparput.

Pikkorissarneq qallunaatut ingerlanneqarumaarpoq, kalaallisulli aamma ilitsersuuteqarumaarluni.

Naatsorsuutigissavat unnuit pikkorissarfiit avataani mindfulnessimi sungiusaatit ullut tamaasa ingerlattarnissaat.

Peqataanissamut nalunaarfissaq: allorfik@allorfik.gl