airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Hashi 

Haship suunerata ataatsimut paasineqarnissaanut peqataanissaq matumani siunertaavoq. Paasissutissanik sukumiinerusunik pissarserusukkuit nittartakkami ilisimasanik katersivimmi imaluunniit www.paarisa.gl-imi taakku pissarsiassaapput.

Cannabis aanngajaarniutinut nakorsaatinullu naasumit Cannabis sativamit sanaanut ataatsimut taaguutitut atorneqarpoq. Cannabis arlalinnik ilaatigut hash, marihuana, pot, skunk, tjald, galar taaguutigalugit ilisimaneqarpoq.

Hashi akoorutissanik kemi atorlugu akuliussinnaasunik 420 it missaannik- taakkunannga 80-it missaannik cannabinoidinik tarnikkut sunnertinnartunik- akoqarpoq. Cannabinoidit pingaarnersaat tassaavoq tetrahydrocannabinol (THC), cannabisip naasuani aanngajaassutaasarnera taamaalillunilu ikiaroortutut misigititsisarnera annertunerpaaq. Tamatuma saniatigut hashi ilaatigut cannabidiolimik (CBD), annilaanganermik annikillisitsisartumik, piviusunik piviunngitsunillu immikkoortitsisinnaajunnaarnermut pitsaaliuutaasumik akoqarpoq.

Haship akui sivisuumik timimi arroriartortarput. Tassalu agguaqatigiissillugu sap. ak. sisamat qaangiunneranni aatsaat THC tamakkerluni timimit peersimassaaq annertuumillu sivisuumillu pujortartartarsimagaanni marloriaat pallillugu sivisutigisumik timimiit peerniartarluni.
Atuiunnaarnerup kingorna minnerpaamik ukioq ataaseq qaangiuppat aatsaat qarasaq pissusissamisut ileqqissaaq. Inuusuttuni hashimik atuiliaartuni eqqaamasinnaassutsikkut ataavartumik ajoqusertoqarsimavoq.

Haship misigissutsit soorlu pilluarneq, qasukkarsimaarneq ernumassuteqannginnerunerlu pilersittarpai, kisiannili aamma atuinnginnermi timikkut, tarnikkut inuttullu atukkatigut kingunerisaanut- soorlu annilaanganermut, eqqissiveqannginnermut nikallunganermut, inoqatinut akuliusimajunnaarnermut pinngitsuuisinnannginnerullu kingunerluutitaanik misiginermut annertuunik attuumassuteqarluni.

Hashi aanngajaarniutaavoq uerinartoq pinngitsuuisinnaajunnaarsitsisartorlu, inuit assigiinngitsumik qisuariarfigisagaat. Inuit ilaannut ullut tamaasa hashimik atuineq ullualuit qaangiunneranni pinngitsuuisinnaajunnaartitsisinnaavoq allanulli sivisunerusumik atuinikkut pinngitsuuisinnaajunnaarsitsisarluni. Pinngitsuuisinnaajunnaarnermi hashimik pinngitsoorani pisariaqartitsisutut misigineq sakkortooq anneruniartorlu atuisup inuuneranut tunngaviusumik akuliuttutut misigineqartarpoq.

Cannabis nakorsaasiaq
Cannabis nakorsaasiaq cannabisip sikkersuinut panertunut, cannabisip uuliaanut, iisartakkanut, qanermut seqqartaammut assigisaannullu, nappaatip ersiutaanut nipaallisaatitut atorneqartartunut ataatsimut taaguutaavoq. Nakorsaasiatut nioqqutissiat cannabisip naasuata ilaanik, naasup nakorsaatitaanik imal. cannabinoiderinik sanaanik akoqarput. Canabis nakorsaasiaq nakorsamit nakorsaasiunneqareernikkut kusertitatut iisartakkatulluunniit peruluutaasumik nappaatilinnut- nappaataat suussusersisanut- tunniunneqartarpoq.

Hashi pinngitsoorsinnaanngiliuk? Ikiaroornartumik atuinerit ajornartorsiutaanersoq paasiniarlugu uani misilissinnaavat.